Коменданттык саат: Бишкекте бир суткада 119 киши тартип бузду

Бир суткада Бишкек шаарында коменданттык саат режимин 119 киши бузганы үчүн кармалды. Бул тууралуу Бишкек шаарынын коменданты Алмазбек Орозалиев маалымат жыйында билдирди.

“Өткөн суткада саат 20:00дөн 7:00гө чейин борбор калаада 119 тартип бузган жаран кармалды. Алар 17 аял, 102 эркек, анын ичинде 3 чет өлкөлүк жаран. Коменданттык саат киргизилгенден бери жалпы 995 адам кармалган”, - деди ал.

Бишкекте өзгөчө абал жарыяланып, кечкисин коменданттык саат киргизилген.