Кыргызстанда коронавирус жуккан медкызматкерлердин саны 216га жетти

4-майга карата бир сутка ичинде 9 медициналык кызматкер коронавирус жуктуруп алганы ырасталды. Бул тууралуу Коомдук саламаттыкты сактоо башкармалыгынын башчысы Айнура Акматова маалымар жыйында билдирди.

Ага ылайык, жаңы катталган учурлар төмөнкү аймактарда табылган.

Жалал-Абад облусунда – 2

Бишкек шаарында – 6

Нарын облусунда – 1.

Ошентип Кыргызстан боюнча коронавирус жуктуруп алган медициналык кызматкерлердин саны 216га жетти. Алардын ичинен 139 медкызматкер стационарлардан айыгып чыккан.

Өлкө боюнча коронавирус жуккандардын саны 830 кишиге жетти.